BB成長一個月喇
妳的名字
終於為BB改左名,雨恩。
「風雨飄搖的日子,總有恩典伴隨!願如恩雨降下,祝福我倆家庭。」
雨恩將來要係一個愛主熱心服事主的人,依靠主為世界帶來好既見證同影響力!呢個名都提醒我地,要記住神既恩典!係困難缺乏裡要運用信心,對我來說很難,人生仍在不斷學習中,但女兒啊,妳更要是一個神裡滿有信心愛心的人,成為我們的驕傲!
戒夜奶吧
一個月過得好快,每日都好充實,雨恩明顯大隻左~而呢個時候就要向各方尋找戒夜奶既方法喇~一兩日後,BB竟然夜晚開始第一次連續瞓到五個鐘呀!點解咁神奇既?我地都唔知,總之keep住落去就好喇~
一起進步
泵奶經過一兩星期,日泵七八次追奶後,奶量都有改善,可以有多餘做儲備了。正當意識鬆懈過來,慢慢泵少左奶,奶量即逐漸遞減!真係嚇到吃手手,又重上追奶之路!傷口不再痛,惡露不知不覺排左一個月都清曬了~另外,雨恩面上既粒粒用左親戚介紹既潤膚膏,呢排開始靚番曬喇~
我的力量啊,我必仰望你,因為神是我的高臺。詩 59:9
