人生每遇到一個新的轉變都既興奮又充滿挑戰，但我們不是孤單一人，身邊其實也有許多人在體驗當中，而走上同一條路也可以有許多不同變 化，以下謹屬於我和丈夫的經驗分享，望與你同行。也鼓勵你多聽取其他懷孕過的姊妹們分享，讓經驗更全面，互補互勉！
製作呢本電子日記目的,等女兒長大後翻看,可以知道她成長的每個細節都有天父引領和祝福,身邊許多人都愛鍚她。另外,藉著這日記將屬於我的人生大事、重要時刻紀錄下來,提醒我們神一直都在我們中間!
結婚3年後開始計劃生育，眼見距離高齡兩三年，試得黎都差唔多， 我同丈夫都覺得係時候踏上另一段旅程~
上帝工作總有衪的時間
話說2019年4月尾有日同弟兄姊妹們北上唱K食飯，返來後幾日出疹， 兩邊臉又紅又腫且開始漫延到手腳，醫生說得了「第五病」，呢種疹對 成人來說反應相對輕微，可以放心休息。好奇之下上網再查有關資料， 如醫生所講形容一致而除此以外原來對孕婦影響比較嚴重，病毒可經母 體傳比胎兒至死。因為正值計劃生育期間，擔心左好幾日到月經來了，才鬆一口氣。
一個月後,月經該來既日子遲遲不來,一星期後決定去買驗孕棒自己check下啦,睇到有兩條線顯示既嗰刻,我好冷靜唔敢太過開心,相反老公就非常興奮啦~況且當時我地經已Book左下一星期去海南島玩三日,所以諗住去埋先到診所覆檢。但早期懷孕反應經已急不及待出現,感覺胃酸滿滿湧著,經常想食野但口淡淡食兩啖就食唔落,撘車會頭暈想嘔,整日都胃痛著又好攰想瞓覺,而且一瞓就不醒人事…雖然經常好唔舒服,諗番其實好感恩,因為無係染疹時懷孕,有神既保守!
回港後打算該周六去診所，誰知就作病，提早左兩日請假去睇醫生順便去驗孕。得醫生確認後，估算懷孕第七週，預產期下年2月14日，聽到呢個日子時心裡一甜(雖然之後兩個醫院醫生都更正為 2月11日 )，BB將會成為我地既小情人啊~取得醫生信後就順道去醫院婦產科做登記，預約第一次產檢的日期。
另一方面，工作上一直未能參與做自己最理想的設計項目類型，而呢間公司將來既發展方向唔會成就到我想要既結果，考慮左好多個月，決定離開。而呢段時間又發現懷孕，正好安胎，時間上一切來得剛剛好~
雖然好唔舒服， 諗番其實好感恩，因為無係染疹時懷孕，有神既保守！由未懷孕之先，神從微小既東西上讓我地經歷到佢既恩典， 令本身充滿變數既懷孕過程加上一份平安，一份窩心~
神所賜超過人能了解的平安，必在基督耶穌裡，保守你們的心思意念。 腓 4:7
