準備戒母乳

戒母乳前一個月

踏入十一月，除左因為雨恩就黎一歲而興奮，仲有就係好快可以戒母乳，轉飲普通全脂牛奶，計住自己現時奶量同冰奶存貨，盤算減泵人奶日期，減泵要逐步黎，唔可以突然間停，唔想埋尾先黎乳腺炎。感恩餵母乳呢一年都無塞過奶，量少時加泵又夠番，一路都夠雨恩飲。盼望唔洗泵奶多左出黎既時間就可以整理我既產前篇日記，畫未完既畫，睇未睇完既書，做freelance…好多好多野想做！
然後有一晚，雨恩夜晚嗰餐奶唔肯飲，又有好幾晚無再喊要食奶就直接瞓左，順勢我地調節佢食粥仔既份量，等佢食飽啲，漸漸連睡前既一餐奶都戒埋喇。

向醫護致敬

除左每次去健康院，會有新既資訊小冊子，都會收到相關既電郵，可根據BB成長歲數下載所需資訊，亦有不少課堂因疫情關係改為zoom上課，對我黎講更加方便，而且講解比面授更詳盡，每個講員都好用心盡量解答曬各家長提問才下課，一啲都唔hea，課後仲會發放番課堂既筆記可以重溫添！如果可以的話，媽媽課後可以就住講義，將重點分享番比另一半聽，等大家可以係照顧兒女方面既知識同步。

非常尊敬公立醫院既醫生、護士、社工、各專業顧問等……要衷心向你們致敬！

堅心倚賴你的，你必保守他十分平安，因為他倚靠你。賽 26:3

要帶口罩啊~

天氣涼陽光又不太猛烈既季節，幾乎每個周末都去公園放B，平時用防疫帽，雨恩好唔鐘意眼前嗰塊透明膠，不斷會拉拉扯扯，試過幾次戴口罩，慢慢接受了，可能係佢明白到戴口罩就有得去街街喇~爸爸媽媽都好唔鐘意戴口罩，知妳辛苦了，多謝妳既合作！

BB Birthday Staycation

今年雨恩生日前幾天，我地book左酒店 staycation，名義上係慶祝，其實係當放我地自己假，手作左個裝飾比雨恩做影相道具。另外為左可以到時唔洗泵奶，早兩個星期開始減泵，但奶量既跌幅竟比預期慢，有點失預算…結果都係要執埋泵奶物資去酒店。今次 book酒店特意揀有提供嬰兒床同包早餐既，真的方便很多！朝早可以有個少人啲既環境慢慢餵食，夜晚瞓覺又唔會不斷扎醒驚雨恩唔知爬左去邊度。下午推雨恩去公園走走曬太陽影相，望住個草地同滑梯，又幻想雨恩識行跑跑跳跳，媽媽真係好期待你長大，可以自己去玩下放電，享受生命。老公平日忙工作，這兩天能夠專心陪住雨恩影相行街食野，好滿足！