胎動體驗

特別既體驗 – 胎動

懷孕18週後期開始感受到胎動喇,一直以來理智上知道自己懷孕同有各樣唔舒服,但未見肚所以覺得同平日的我無乜分別,到有胎動開始先有新既體會。夜晚在床上躺著時會較容易感受到突然肚皮在跳動,而且可以同老公一起感受,好令人興奮啊!話說18週產檢既時候,姑娘見我未有胎動,特意安排兩週後預早再見一次,搞到我好緊張,驚BB唔健康,感恩過幾日我就Feel到喇!

照結構辨性別

21週照結構,好期待地又可以同BB見面喇,係女啊~(如果想更早知道BB性別可以到私家做抽血檢查)。檢查結果一切狀況正常,有埋4D照片,見到大概面部輪廓,但始終都係想睇BB將來既真身多啲。另外…24週記得返醫院抽血驗血糖啊!因為由第三次產檢開始經已轉左去母嬰健康院做檢查,所以有可能會唔記得家。親住懷孕中期,自己精神好啲既時候,爭取時間為自己長知識同開始預備嬰兒用品。

2019年的香港

呢幾個月遇上香港政治風波,政府的打壓和市民關係撕裂,每天各區都可能有衝突事件,於亂世中BB出世後既香港又會係點呢?出街人多危險或懼防有催淚彈殘餘物,這些日子我多數只留在室內和屋企附近,好當作安胎吧~

兒女是耶和華所賜的產業,腹中的胎兒是他的賞賜。詩 127:3

懷孕過程中,驚嘆神工作的奇妙,寶寶由細胞自然結合成胎,每個步驟一關過一關似的按衪的時間成長,到開始長成手腳骨骼,感受到寶寶在肚中翻滾玩樂,生命就是一個奇蹟!

作照顧者的預備

每個星期都盡力同老公去醫院聽講座,內容廣闊質數都唔錯,有時遇著比較熱門題目,講座都滿了人。個人覺得母乳餵哺、嬰兒護理、產後護理、生產過程內容都非常實用!此外,我地都報埋其他機構開辦的陪月班,學沖奶、幫BB換尿片、沖涼技巧手勢->有得即時示範同實習,仲有教授產後飲食調理、穴位等基本概念。同老公一齊學埋,到時佢就無藉口話唔識幫唔到手啦,而且學習既過程增進我地同肚內BB之間既感情,亦對照顧BB有多啲信心,感覺實在一點。

每星期溫習相應週數的生理變化都成為左我的生活習慣,網上、手機App、醫院及嬰兒品牌派發既小冊子都有好多有用既資訊。當然也可請教身邊有兩三年年資既媽媽(有試過問年資再多啲既媽媽啦,但發現佢地當年生仔醫療上既配套同資訊與現今的都有所不同,加上會夾雜一些傳統及未經fact check的口傳說法,好難令我信服)

母嬰用品的準備

嬰兒及媽媽用品又係另一大學問,閒時也可以先逛逛,等自己有個概念。眼見咁多嬰兒用品來自日本,就係老公生日順便黎個日本trip,為BB瘋狂購物一番。不過安排行程要盡量輕鬆,始終懷著BB身體會有時出現突如其來既唔舒服。當地買既BB野都比香港平,加上大型百貨有免稅,可以話折上折。旅行前預先向日本通媽媽請教,是次行程主力買貼身用品衣物,而其他消耗品及大型用品則在港網購比較方便。同埋又唔洗好緊張咁一次過咩都買齊曬,因為會預身邊總有一些媽媽會將物資讓比你丫嘛。